ПРВИТЕ 40 СЕ НАЈТЕШКИ – ФОТОГАЛЕРИЈА ОД ЦРВЕНИОТ КИЛИМ НА 40. „БРАЌА МАНАКИ“ ВО БИТОЛА

Битола, (СМАРТ СДК.МК)

„Првите 40 се најтешки“ е мотото зад кое стои организацијата на јубилејното 40. издание на Интернационалниот фестивал на филмска камера „Браќа Манаки“ во Битола, што беше отворен синоќа.

Лауреатот на Златна камера 300 Едвард Лакман со сопругата и ќерката

Ѕвезди на јубилејот на најстариот фестивал на филмска камера во светот се американскиот кинематографер Едвард Лакман и неговиот шпански колега Хозе Луис Алкаине, а на килимот продефилираа личности од политичкиот врв во државава, локалната самоуправа и од културата.

Добитникот на наградата Голема ѕвезда на македонскиот филм Љупчо Константинов со семејствотот и претседателот на ДФРМ Игор Иванов-Изи

„Браќа Манаки“ ќе трае до сабота, а деновиве се очекуваат и познатиот германски режисер со турско потекло Фатих Акин и угледниот грчки кинематографер Јоргос Арвантис.

Битолската градоначалничка Наташа Петровска

Фото: ИФФК „Браќа Манаки“

Актерот Петар Горко и костимографот Благоја Мицевски со сопругите
Манекенката Дунафка Трифуновска
Примадоната на НОБ Весна Ѓиновска-Илкова со претседателот Пендаровски на коктелот по отворањето
Продуцентот и поранешен директор на „Браќа Манаки“ Томи Салковски

За да стигне до Центарот за култура, публиката поминуваше низ перформансот во режија на Срѓан Јаниќијевиќ