РАМОС И ПИЛАР РУБИО ГИ ОБЕДИНИЈА СВЕТОТ НА ФУДБАЛОТ И ШОУ БИЗНИСОТ НА СВАДБАТА НА ГОДИНАТА ВО ШПАНИЈА

Севилја, (Марка)
BODA SERGIO RAMOS Y POILAR RUBIO EN CATEDRAL DE SEVILLA

Капитенот на Реал Мадрид Серхио Рамос и ТВ-презентерката Пилар Рубио се венчаа во катедралата во Севилја, на церемонијата што ги обедини светот на фудбалот и светот на шоу бизнисот. Веќе родители на тројца синови, тие се венчаа по седум години врска и настанот беше опишан како свадба на годината во Шпанија, откако во Севилја дојдоа околу 500 гости, меѓу нив и голем број фудбалски ѕвезди.

Пилар Рубио носеше црн букет, а до катедралата во Севилја ја придружуваше татко ѝ (Фото: Марка)

Меѓу гостите ги немаше Кристијано Роналдо, кој е на одмор во Грција и Икер Касиљас и неговата сопруга Сара Карбонеро, кои во изминатиот период се соочија со сериозни здравствени проблеми. Не се појавија ни Жерард Пике и Шакира, како и Зинедин Зидан.

Викторија Бекам со белиот фустан го прекрши дрескодот

Дејвид и Викторија Бекам не ја пропуштија шансата да привлечат внимание. Облечена во бел фустан и розеви потпетици, таа го прекрши дрескодот, откако беше сугерирано да не се носи црвено, портокалово, зелено, бело или розево.

Роберто Карлос со сопругата

Јавноста со голем интерес очекуваше да ја види и венчаницата на Пилар Рубио, која изненади со изборот на црн букет.

Свадбата продолжи со приватна забава на која се забранети мобилни телефони и најавен е ексклузивен настап на легендарниот австралиски хард рок бенд „Еј-Си/Ди-Си“, кој за тоа наводно ќе биде платен еден милион евра.

Лука Модриќ со сопругата