Во продажба се пуштени уште 300 карти за 26. издание на Златна бубамара на популарноста, што ќе се одржи на 16 март во салата „Борис Трајковски“.
„Како и секоја година, интересот за билети е огромен. Речиси 90 проценти од пуштените билети во продажба се веќе продадени, но на барање на публиката, денеска се пуштени и последните 300 билети“, соопшти организаторот Радио Бубамара.
Годинашната манифестација ќе се одржи под мотото „Да ги наполниме батериите на евтина струја“.
„Енергетски ефикасниот штаб кој ја подготвува манифестацијата, како и секогаш, ги чува содржините во врвна тајност, но ги најавува најголемите естрадни и спортски ѕвезди од домашната и регионалната сцена“, вели организаторот.
