Актерката Лејтон Мистер ќе се појави во втората сезона на хит-серијата на „Нетфликс“, „Никој не го сака ова“ (Nobody Wants This), во која главната улога ја игра нејзиниот сопруг Адам Броди. Мистер е најпозната по улогата на Блер Волдорф во серијата „Озборувачка“.
Во „Никој не го сака ова“ играат и Кристен Бел, Стефани Фараси, Тимоти Симонс, Това Фелдшух и Пол Бен-Виктор.
Триесет и осумгодишната Мистер ќе ја игра Аби, која е најавена како непријателка на Џоан (Бел) од средно училиште, а сега е инфлуенсерка-мајка на Инстаграм.
Премиерата се најавува за годинава.
(Фото: Гети)
