Адвокатот на Ана Ивановиќ, Кристијан Шерц, потврди за германските медиуми дека таа се развела од бившиот фудбалер Бастијан Швајнштајгер. Новинската агенција ДПА објави дека причината за разводот биле „непомирливи разлики“.
„Таа не планира да дава дополнителни изјави и бара да се почитува нејзината приватност, особено поради нивните три деца“, изјави Шерц.
Ивановиќ и Швајнштајгер досега не ги коментираа медиумските написи дека се разделиле, кои се појавија пролетоска. Тие се венчаа во 2016 во Венеција и потоа добија тројца синови, живеејќи на релацијата Чикаго-Белград-Минхен-Мајорка.
Швајнштајгер неодамна беше снимен на одмор во Грција со бугарската инфлуенсерка Силва Капитанов.
(Фото: Гети)
