Холивудската икона Ким Новак кажа дека не се согласува со изборот на Сидни Свини да ја игра во нов биографски филм, сметајќи дека тоа е голема грешка. Деведесет и тригодишната Новак изјави дека никогаш не го одобрила филмот „Scandalous“, кој зборува за нејзината врска со славниот музичар Семи Дејвис Џуниор.
Развојот на филмот наводно е во застој, но колегата на Свини од „Еуфорија“, Колман Доминго, треба да биде режисер. Свини ќе ја игра Новак, а британскиот актер Дејвид Џонсон ќе биде Дејвис.
„Свини премногу штрчи во градите. Таа цело време изгледа секси и тотално е погрешно да ме игра мене“, рече Новак.
Свини досега не го коментираше ова, но во октомври кажа дека е почестена што ќе ја глуми Новак и возбудена што ќе ја запознае.
„Не мислам дека нашата врска беше скандалозна. Имавме толку многу заедничко, вклучително и потребата да бидеме прифатени такви какви што сме и што правиме, а не како изгледаме“, кажа Новак.
Таа и Дејвис се запознале во 1956, а нивната романса тивко се развила следната година. Новак никогаш не негираше дека била во врска со Дејвис.
(Фото: Гети)
