Македонскиот диџеј и продуцент Галоски објави нов сингл насловен „Hypnotized”, што го сними во соработка со јапонскиот музичар Јакса. Издаден од „Хистерија рекордс“, синглот беше премиерно емитуван во радиоемисиите на глобалните музички ѕвезди Тиесто и Армин ван Бурен и ја достигна првата позиција на „1001Tracklists“.
Галоски летово ќе има настапи ширум земјава, но и низ Балканот. Тој ќе биде дел и од претстојното издание на фестивалот Охрид колинг.
Веќе има најавено ново издание за крајот на летото и турнеја низ Азија и Европа за оваа есен.
