Издавачката куќа „Мртов коњ“ најави серија настани во Скопје оваа недела, при што од денеска до 12 септември ќе се одржат неколку концерти и една работилница. Ќе има и гости од Хрватска, САД, Италија и Виетнам.
Стражар (Мартин Џорлев) денеска ќе одржи концерт во Канал 103 од 20 часот, а утре во „Паб Ѕе“ од 21 часот настапуваат хрватското гараж-панк трио „Дед џоук“ и „Кајзер Созе“.
На 10 септември, во „Буква“ ќе има работилница за теремин и концерт на Александар Ордев и Импруф, а на 11 септември во кино Фросина во МКЦ свири бендот „Ташмамагандаз“, во кој членуваат Јордан Костов, Там Пхам, Никола Коџабашија, Ник Де Карло, Марко Печеновиќ и Александар Галевски.
За крај, на 12 септември во КИЦ настапува италијанско-американското дуо „Пасепарту“ (фото), кое од формирањето до денес е на непрекината турнеја. Гостин ќе им биде домашното дуо „Алембик“.
