Фестивалот Охрид фест-Охридски трубадури по 33. пат ќе се одржи на 26 и 27 август на сцената на Долни Сарај во Охрид.
„И оваа година акцентот е ставен на младите пејачи на двете фестивалски вечери, фолк вечер на 26 август и интернационална поп вечер на 27 август. Токму оваа комбинација на традиција и модерност е она што го прави фестивалот уникатен“, велат од Охрид фест.
Организаторите велат дека е отворен конкурс за нови песни за фестивалот. Сите заинтересирани треба да испратат финално продуцирани композиции, со времетраење до три и пол минути, на [email protected], со назнака за која вечер аплицираат. Рокот за пријавување е 15 јуни.
Фото: Дадо Топиќ на ланското издание на фестивалот
