Богато сценско шоу направи грчкиот диџеј Арги вчера (13 декември) во Скопје, во салата „Борис Трајковски“.
Диџејот, кој живее во Англија и е популарен низ цела Европа дојде во Македонија во рамките на неговата европска турнеја.
Арги, чие вистинско име е Аргирис Теофилис, е познат по своите енергични сетови, а соработувал со музичари како Соломун и „Мартинез брадрс“. Музичката кариера ја започнал на почетокот на 2000-тите во клубови на Ибица и Миконос.
Вчера, на сцената на „Борис Трајковски“ беа поставени големи ЛЕД платна, светлосни ефекти и аудиотехнологија по светски стандарди. Младите се забавуваа неколку часа во ритамот на хитовите на Арги и уште неколку диџеи кои настапија пред него. Арги дојде во Скопје по настапите во Атина, Париз, Берлин и други европски градови, а настанот го организираше продукција „Прагма“ која летово ги донесе светски популарните диџеи Џејсон Деруло и Хугел во Охрид.
М.ЏАРОВСКА
