Mакедонскиот инструментален состав „Хроматик поинт“ вечерва (21 часот) ќе настапи во „Станица 26“ во Скопје, ветувајќи неколкучасовна енергична свирка на прогресивен метал, жанр што не е толку застапен на домашната музичка сцена.
Овој бенд, во состав Душко Ичев на клавијатури, Ален Спасевски на бас, Христијан Ристески на гитара и Филип Јездиќ на тапани, е активен веќе осум години и моментално работи на својот четврти албум.
„Публиката ќе има можност да слушне виртуозна инструментална музика, а за првпат ќе биде изведен нашиот нов сингл „Clockwork”. Досега немаме направено песна со вокал и секогаш настапуваме како квартет. Инспирациите и влијанијата ни се најразлични, од метал и рок до џез и блуз“, велат од бендот.
Како предгрупа, ќе настапи прогресив рок групата од Софија, „Јувиги“.
