Поп-пејачот Огнен Здравковски ја промовираше својата нова песна „До небото“ (До неба), за која музиката и аранжманот ги напипша Димитар Андоновски, а текстот е на Милан Милетиќ.
Видеоспотот е снимен во Белград, во режија на Никола Шуњевиќ. Во реализацијата на песната учествуваа и „Истанбул стрингс“, Иван Кукиќ, Петар Богосављевиќ, Бурхан Буки и Сузана Бранковиќ.
„На песната работевме повеќе од половина година. За мене, оваа песна е почеток на нов музички период. Наскоро ќе објавам и нова песна на македонски јазик, а веќе работиме и на нов албум, кој планирам да излезе следната година“, рече Здравковски.
Песната и видеоспотот се достапни на дигиталните музички платформи.
