Италијанската модна куќа „Џорџо Армани“ ја претстави последната колекција на која лично работел легендарниот моден дизајнер, пред да почине овој месец на 91 година. Ревијата се одржа во уметничкиот музеј „Брера“ во срцето на Милано и првично беше замислена како прослава на 50-годишнината на модната куќа, но се претвори во посвета на нејзиниот основач.
На настанот присуствуваа и славни личности, како Ричард Гир, Спајк Ли, Глен Клоуз и Кејт Бланшет.
Моделите носеа флуидни, лесни облеки, придружени со музика на пијано изведена од италијанскиот композитор Лудовико Еинауди. Колекцијата, чија палета на бои се движеше од сива до темносина и темнозелена, беше насловена „Пантелерија, Милано“, осврнувајќи се на две места драги на дизајнерот.
„Оваа колекција, последната на која Џорџо Армани работеше лично, е во некоја смисла доказ за стилот и затворање на еден циклус, за да можат да започнат нови“, соопшти брендот.
Ревијата, со која беше затворена Миланската модна недела, заврши со соло прошетка на Агнезе Зогла, еден од омилените модели на дизајнерот.
(Фото: АФП)
