Светот почна да се простува од 2025 година и постепено да влегува во 2026.
Атолот Киритимати или Божиќен Остров, кој е дел од тихоокеанската држава Кирибати, е првото место кое ја пречека новата година. Иако се наоѓа речиси директно јужно од Хаваи, Кирибати ја слави новата година цел еден ден порано.
Бидејќи има 39 различни временски зони, на целата планета ѝ требаат 26 часа за да влезе во новата година, а последното населено место е Американска Самоа. Таа и Самоа се разделени со само еден час лет, но се наоѓаат на различни страни од Меѓународната датумска линија во Тихиот Океан, па оттука и големата временска разлика.
Ненаселениот американски остров Бејкер е последното место каде што доаѓа новата година. На Кирибати тогаш веќе ќе биде 2 јануари.
(Фото: Гети)
