Краткиот анимиран филм „Неми Филмови“ во режија на Крсте Господиновски освои две нови меѓународни награди: награда од публиката на фестивалoт Монстра во Лисабон, еден од најзначајните фестивали за анимација во Европа и награда за најдобар филм на РеАнимација во Никшиќ, Црна Гора.
„Неми Филмови“ во март имаше премиери во Јужна и во Северна Америка, а во април се очекува и австралиската премиера на Меѓународниот фестивал за анимација во Мелбурн. Во наредните недели, филмот ќе биде во програмите на три фестивали во САД.
Од својата премиера, „Неми Филмови“ учествуваше на повеќе од 40 фестивали, освојувајќи 10 награди.
