Бендот „Парусион“ го објави новиот сингл насловен „Бебе во лулка“, во соработка со пејачката Катја Корен (фото) и повеќе познати музичари.
Музиката и аранжманот за песната се на Михаил Парушев, а текстот го напиша Катја Корен. Продукцијата е на Ивица Јанкуловски.
Во песната, Катја Корен ги пее вокалите, Мишел Трајковски е на хармоника, Јован Цветковиќ на пијано, Зоран Костадиновски на гитара, Благој Маротов свири бас, а Михаил Парушев тапани и клавијатури.
„Овој сингл е дел од креативната соработка меѓу членовите на ‘Парусион’ и гостите, носејќи свеж звук и современ израз“, велаат од бендот.
На 28 јануари во Младинскиот културен центар (МКЦ) „Парусион“ одржа концерт.
