Култниот швајцарски индустријал рок бенд „Јанг гадс“ се враќа во Македонија по долга пауза и ќе одржи концерт во Младински културен центар во Скопје на 14 март следната година, објави „Пасворд продукција“. „Јанг гадс“ е еден од првите позвучни странски бендови кој настапил во Македонија.
Триото предводено од фронтменот Франц Трајхлер оваа година објави нов албум, прв по шест години пауза и истовремено прослави четири децении постоење. Концертот во Скопје е дел од европската турнеја со која ќе се одбележи јубилејот.
Иако членовите се менуваа, групата во текот на целата кариера работи како трио, а семплирањето остана клучен елемент на нејзината музика.
