„Нетфликс“ го објави првиот трејлер за последното поглавје на хит-серијата „Чудни нешта“, навестувајќи епска разврска во градот Хокинс. Нов лик во последната сезона е д-р Кеј, која ја глуми Линда Хамилтон.
Во есен 1987, Хокинс изгледа како пекол, но нашите херои се обединети од една единствена цел: да го пронајдат и убијат Векна. Но, тој исчезна, каде се наоѓа и кои се неговите планови не е познато. Комплицирајќи ја нивната мисија, владата го стави градот под воен карантин и ја интензивираше потрагата по Илевен, принудувајќи ја повторно да се крие. Како што се приближува годишнината од исчезнувањето на Вил, се наѕира последната битка.
„Нетфликс“ кажа дека новите епизоди ќе дадат повеќе информации за мистериозиот свет Апсајд Даун.
Петтата и последна сезона ќе се прикаже во три дела, објави стриминг-гигантот во јуни. Првиот дел ќе има премиера на 26 ноември, вториот на 25 декември и третиот на 31 декември 2025.
