Од 12 до 14 септември во Гевгелија ќе се одржи третото издание на фестивалот „Вкуси го југот“ (Taste the South). Ова е традиционална културно-забавна манифестација за промоција на Гевгелија, која ги негува традицијата, културата и забавата.
Ќе настапат млади музичари и уметници кои изучуваат школа за тапани, школа за гитара и школа за танци, децата од фестивалот „Калинка“ и уште многу други. Организаторите најавуваат концерти на македонски етно, поп и рок пејачи и бендови. На програмата се и гастрономската понуда и подготовка на традиционални специјалитети, како слатко од гевгелиски смокви и мастика.
