Кој не би сакал да се откаже од сè и да се пресели на рајски остров?
Сега го можете токму тоа, сè додека сакате мачки, и тоа многу мачки.
Идиличниот грчки остров Сирос нуди работа во своето светилиште за мачки, заедно со сместување, поглед на Егејското Море и со моментална бројка од 55 мачки.
Ни малку изненадувачки, огласот привлече голем интерес откако првпат беше објавен во почетокот на месецот и преку 200 луѓе ѝ испратиле мејл на сегашната сопственичка Џоан Бауел. Но, не секој е погоден да го води светилиштето.
Бауел бара некого над 45 години, кој не само што сака мачки, туку и знае „како да фати или да се справи со дива или недруштвена мачка“.
„Тоа значи дека треба да познавате мачкина психологија и да имате вештини да им зборувате“, вели Бауел.
И тоа не е единствената работа од сништа што моментално кружи на интернет.
Можете да бидете и дегустатор на „нутела“ во Италија, за што не се бара претходно искуство или управник на живописно велшко село.
