Археолозите открија сложено издлабен камен во Мексико, за кој веруваат дека служел како „семафор“ за пелота, древна игра со топка што ја играле Маите пред стотици години. Кружниот камен е пронајден на археолошкиот локалитет Чичен Ица и се проценува дека е стар најмалку 1.200 години.
Експертите сега се обидуваат да го дешифрираат значењето на хиероглифскиот натпис на 40 килограми тешкиот камен. Тие веруваат дека каменот го красел сводот на влезот во зданието Каса Колорада, најдобро зачуваниот објект во Чичен Ица.
Мексиканскиот Национален институт за антропологија и историја кажа дека каменот претставува драгоцено и необично откритие.
„Реткост е да се пронајде хиероглифски натпис на мајански локалитет, а уште поретки се вакви сложени текстови“, изјави археологот Франсиско Перес Руис.
Пелота е тимска игра која се играла со тешка гумена топка во Мезоамерика и се верува дека е стара 3.000 години.
