Поп-пејачката Ивона Јо имаше впечатлива изведба на годинашниот Макфест со песната „Себично“ и беше меѓу учесниците кои добија најголем аплауз од публиката. За оваа песна објави спот, кој е снимка од нејзиниот настап на фестивалот.
Ивона Јо за баладата вели дека е надеж дека низ музиката можеме да најдеме сила да тргнеме напред.
„Одејќи против себе, се казнуваме и си нанесуваме штета на себе. Носејќи го товарот од минатото, чувајќи сѐ во срцето, се казнуваме и повредуваме себеси. И себично не пуштаме да се ослободиме од сопствените стеги“, вели Ивона Јо.
Композитор и аранжер на песната „Себично“ е Илија Ќосевски, а текстот е на Весна Малинова.
