Германската музичка страна „Соник соул“ неодамна објави рецензија за албумот „Let Us Be“ на македонскиот кантавтор Владимир Четкар во која меѓудругото се вели :
„Несомнено е дека македонскиот мулти-инструменталист и пејач ги користи своите раскошни таленти до максимум. Овој албум е ода на радоста во 8 дела“.
Американската музичка страна за соул музика, „Соул тракс“ напиша: „Аранжманите се истовремено релаксирани и раскошни“. Предходно во Јапонија каде албумот беше издаден ексклузивно до неодамна, цедето на Четкар беше наречено „маестрален избор“
Англиско-австралискиот диџеј и продуцент Доктор Пакер работи на два нови ремикса на авторската музика на Четкар кој ќе се издадат оваа пролет и лето преку Шкотската музичка куќа „Only Good Vibes Music’s“.
