Зелениот чај е поврзан со бројни здравствени придобивки, како подобра регулација на шеќерот во крвта. Истражувањата покажаа дека може да помогне да се намали нивото на шеќер.
„Во цревата има трилиони микроорганизми кои влијаат на нивото на шеќер во крвта. Зелениот чај е богат со полифеноли, растителни соединенија кои се поврзани со различни здравствени придобивки, меѓу кои и подобрување на здравјето на цревата“, вели нутриционистката Кимберли Роуз-Френсис од Флорида.
Иако во моментов нема многу истражувања за влијанието на црниот чај врз регулацијата на гликозата, една студија од 2019 вели дека тој може да ја подобри чувствителноста на телото на сопствениот инсулин. Ова може да помогне да се спречи зголемување на телесната тежина, што е еден од клучните фактори на ризик за развој на дијабетес тип 2.
„Ѓумбирот исто така може да го подобри нивото на шеќер во крвта кога ќе се свари како чај“, вели Роуз-Френсис.
Ѓумбирот може да помогне да се заштитат клетките на панкреасот кои произведуваат инсулин.
Истражувањата покажаа дека и чај од цимет може да ја подобри функцијата на инсулинот и да ја поддржи регулацијата на шеќерот во крвта. Исто како и ѓумбирот, циметот е богат со антиоксиданси кои се борат против хроничното воспаление, што може да го отежне контролирањето на шеќерот во крвта.
(Фото: Шатерсток)
