На 2 октомври од 20 часот, во киносалата на Кинотеката ќе се одржи специјална проекција на дигитално реставрираниот филм „Македонска крвава свадба“ од 1967 во режија на Трајче Попов, како дел од проектот „Сезона на филмски класици“. Филмот во исто време ќе се емитува на Јутуб каналот на Кинотеката, овозможувајќи ѝ на публиката надвор од Скопје и Македонија да го гледа.
Во рамките на проектот „Сезона на филмски класици“ Кинотеката ги дигитализираше и реставрираше филмовите „Мирно лето“, „Фросина“, „Мементо“ и „Мис Стон“ и кратките етнолошки филмови „Мариовска свадба“, „Велигденски обичаи“ и „Русалиски обичаи“.
Целата програма на проектот „Сезона на филмски класици“ е достапна на линкот https://ace-film.eu/wp-content/uploads/2025/04/A-Season-of-Classic-Films_Programme-catalogue-2025.pdf
