Велешкиот театар „Јордан Хаџи Константинов-Џинот“ вечерва (17 ноември) гостува во Сплит со претствата „Синиот портокал“.
Претставата ќе се одигра во Градскиот театар на младите Прокуратива од 18:30 чaсот, како дел од манифестацијата „15. Македонска културна есен во Сплит“, во организација на Заедницата на Македонците од Хрватска и Македонското културно друштво „Македонија“ од Сплит.
„Синиот портокал“ е најдолговечната претстава на Велешкиот театар, која се игра повеќе од седум и пол години. Работена е по текст на Британецот Џон Пенхол, во режија на Александар Ивановски. Во претставата играат Фаик Мефаиловски, Жарко Спасовски и Благојчо Стојанов.
П. ПЕЧКОВ
