Олимписката шампионка во спуст Бризи Џонсон не освои уште еден медал денеска, но сепак ја напушти супервелеслаломската патека со нешто драгоцено: свршенички прстен.
Нејзиното долгогодишно момче Конор Воткинс ја запроси американската скијачка близу целната линија, ставајќи ѝ златен прстен со бели и сини сафири на прст од левата рака. Џонсон низ солзи му одговори со „да“ и потоа го сврте прстенот кон бројните камери.
Тие се запознале пред неколку години преку апликација за запознавање, кога Воткинс не бил свесен дека Џонсон е една од најдобрите скијачки на светот.
„Мислам дека повеќето спортисти сакаат да го достигнат врвот на Олимписки игри. Јас дури го надминав тоа“, рече Џонсон.
(Фото: АП)
