Новите Хари, Хермиона, Рон, Дамблдор и Снејп и целиот нов Хогвортс се прикажани во првиот трејлер за новата серија „Хари Потер“. Првата сезона треба да излезе за Божиќ на „Ејч-Би-О макс“ и ќе ја опфати книгата „Хари Потер и Каменот на мудроста“.
Доминик Меклафлин, Арабела Стентон и Аластер Стаут се новите Хари Потер, Хермиона Гренџер и Рон Визли, кои ќе се обидат да ја достигнат славата на Даниел Редклиф, Ема Вотсон и Руперт Гринт. Отворен кастинг за улогите беше распишан во 2024 и на него се пријавиле повеќе од 30.000 деца.
Во новата актерска екипа се и Џон Литгоу како Дамблдор, Џенет Мекатир како Минерва и Папа Есиеду како Северус Снејп.
Најавено е дека серијата ќе има повеќе сезони, кои ќе се снимаат десет години.
(Фото: Ејч-Би-О)
