„Бекстрит бојс“ настапија на отворањето на зимската сезона 2025/26 во австрискиот скијачки центар Шладминг-Дахштајн. Тие пееја три вечери по ред, од 5 до 7 декември, на стадионот „Планаи“ во присуство на 50.000 луѓе.
Ник Картер, Хауи Доро, Брајан Литрел, Еј-Џеј Меклин и Кевин Ричардсон ги изведоа хитовите од нивната тридецениска кариера, следејќи ја успешната шема што регионот Шладминг-Дахштајн ја почна пред неколку години. Така во 2023 година настапи Роби Вилијамс, а лани гостуваа Брајан Адамс, „Симпли ред“ и Стинг.
„Отворањето на скијачката сезона 2025/26 беше огромен успех и го демонстрираше огромниот потенцијал на нашиот регион да биде домаќин на врвни меѓународни настани“, рече Матијас Шатлајтнер, генерален директор на туристичкиот регион Шладминг-Дахштајн.
Неговиот скијачки центар од четири планини има 230 километри совршено уредени патеки, 81 модерен лифт и над 100 скијачки колиби. Регионот, исто така, се одликува со фантастичен спектар на активности на отворено и со спектакуларни настани во текот на летната сезона.
(Фото: Х. Штајнер)
