Шафран важи за најскапиот зачин на светот, поради што го има добиено прекарот „црвено злато“. Неговата цена по грам се движи меѓу 6,80 и 8,30 долари на светските пазари, во зависност од сортата.
Малиот грчки град Крокос, чие македонско име е Гоблица и се наоѓа на пет километри од Кожани, буквално живее од ова растение. Тоа му донесе приход и работни места на регионот, кој е попознат по рудници и невработеност.
Повеќето од оние кои работат на полињата со шафран се млади луѓе, кои останале без работа во екот на економскиот крах на земјата пред неколку години.
