Новите истражувања на англиските лекари велат дека 80 до 90% од самохраните мајки на мали деца се чувствуваат осамено што доаѓа до депресија. Едно истражување покажа дека 43% од мајките на возраст под 30 години се чувствуваат постојано осамено. Осаменоста е поприсутна кај одредени ризични групи, како што се млади родители, мајки имигранти и бегалци, мајки без партнери за поддршка и мајки кои се грижат за дете со сериозни здравствени проблеми.
Осаменоста може да доведе и до ментална болест. Во 2023, прегледот на доказите спроведени на Универзитетскиот колеџ во Лондон покажа дека осаменоста е клучен фактор на ризик за перинатална депресија. Водечкиот автор на студијата, д-р Кетрин Адлингтон, рече: „Откривме дека осаменоста е централна за искуствата на мајките со депресија. Хроничната осаменост сега ја доживува околу една третина од новите родители“, рече Адлингтон.
Голем дел од изолацијата што ја чувствуваат новите родители е последица на тоа како се структурирани некои современи општества.
Во повеќето култури ширум светот, вклучително и во Кина, Јапонија, Индија и Јужна Америка, мајките по породувањето следат слични практики или ритуали кои ја признаваат емоционалната тежина што ја носи станувањето мајка, како и она низ што поминува телото во бременоста и породувањето.
Тие често практикуваат оброци богати со хранливи материи, масажи, пијалоци и бањи со билки подготвени од блиски женски роднини, жени во заедницата или асистенти кои ќе се грижат за мајката и бебето околу 40 дена.
Во Нигерија, постои културната практика на постпородилна нега што на мајката и на и бебето им ја даваат нејзината мајка или постарите женски роднини, а слична практика има и во Мексико.
Во западните општества, мајката е претежно оставена сама на себе по раѓањето. Ако има партнер, тој или таа обично ќе имаат две недели родителско отсуство од работа, а потоа примарниот старател (најчесто мајката) ќе се грижи за бебето дома одреден временски период. Партнерот може да биде отсутен од работа само една недела. Во владината консултација објавена во јуни во 2023 во Англија, една од предложените „реформи“ беше да се дозволи законското татковско отсуство да се зема во два одделни блока од по една недела.
Во истражувањето на родителите од 2019, 14% од татковците кои не земале никакво законско отсуство изјавиле дека биле премногу зафатени за да отсуствуваат од работа.
Фото: Гети
