„Приказни од маргините“ е насловена изложбата на Ѓорѓе Јовановиќ, која ќе се отвори на 20 ноември во 20 часот во Музеј на Град Скопје.
Уметникот вели дека „Приказни од маргините“ претставува евокативни анимации кои ја доловуваат специфичноста на одредена локација и на неговите жители.
„Секое дело функционира како подвижна слика, овозможувајќи поглед кон одредена маргина, без разлика дали е географска, културна, политичка или економска. Делата се претставени во форма на интерактивни инсталации, цртежи во продолжение и илустрирани свитоци што посетителите ги одмотуваат, активирајќи ги различните приказни и судбини на маргиналците од различни општествени сегменти. Тие стриповски се развиваат базирани на седум кратки раскази од неколкумина писатели од земјата и регионот“, се вели во најавата на изложбата.
