Откриен е нов вид на огромен воден лилјан, иако за него всушност се знаело 177 години. Ова растение веќе го имаше во архивите на Кралските ботанички градини во Лондон и расте во повеќе водени колекции, но досега погрешно било идентификувано.
Новите детаљни испитувања утврдија дека е нов за науката. Наречен Victoria boliviana, според Боливија, каде што расте само во еден слив од амазонскиот речен систем, ова е и најголемиот воден лилјан на светот, со листови кои можат да бидат над три метри широки.
„Долго време се сомневавме дека ова растение е различно од видовите Victoria amazonica и Victoria cruziana. Тој може да расте покрај нив во сосема исти услови. Откако го споредивме со другите два вида, сфативме дека секој дел од растението е различен“, изјави Карлос Магдалена, еден од водечките светски експерти за водени лилјани, опишувајќи го ова откритие како врв на неговата кариера.
