Валентино Роси викендов ја завршува својата величествена 25-годишна мотоциклистичка кариера, во текот на која освои девет шампионски титули, од кои седум во премиерната класа и се здоби со статус на глобална икона на спортот. Тој е единствениот возач кој настапил на повеќе од 400 гран при трки, од кои победил на 115 и цела кариера возеше со бројот 46.
Во класата до 125 кубици дебитираше како 17-годишник во 1996 (Фото: Гети)
Иако в недела во Валенсија ја вози последната мотоциклистичка трка, 42-годишниот Роси не се пензионира целосно, туку планира да се префрли во некоја тркачка серија на четири тркала.
„Малку сум разочаран што се повлекувам, но ќе продолжам да бидам тркач. Ќе возам болид следната сезона, ќе останам на патеките, инаку ќе ми биде досадно“, кажа Роси.
Со татко му Грацијано по освојувањето на првата титула во 1997 (Фото: Гети)Во класата до 250 кубици дебитираше во 1998 и следната година стана светски првак (Фото: ЕПА)Во 2000 напредуваше во премиерната класа и во првите четири сезони со Хонда освои три титули (Фото: Гети)Од 2004 возеше за Јамаха, со која освои уште четири титули (Фото: Гети)Во октомври 2009 во Малезија ја прослави својата последна титула (Фото: Гети)Сезоните 2011 и 2012 ги помина во Дукати, по што се врати во Јамаха (Фото: Гети)Роси слави со фановите по трката во Есен во 2015 (Фото: Гети)Роси ја слави победата на Шпанското гран при во 2016, една од неговите последни (Фото: АП)Последниот подиум му беше третото место во Херес во јули 2020 (Фото: Гети)
