Џенифер Лоренс и Џош Хачинсон се враќаат во филмскиот серијал „Игрите на гладните“, кој ќе добие приквел. Тие последен пат глумеа заедно во продолжението „Мокингџеј, втор дел“ од 2015.
Американските сајтови „Холивуд рипортер“ и „Дедлајн“ известија дека Лоренс (35) повторно ќе ја глуми Катнис Евердин, додека Хачинсон (33) ќе ја репризира улогата на Пита Меларк во новиот филм „The Hunger Games: Sunrise on the Reaping“. Тие нема да бидат во главните улоги, туку ќе се појават во секвенца која е дел од романот врз кој е заснован филмот.
Лоренс претходно изјави дека со задоволство би прифатила да се врати во улогата на Катнис.
„The Hunger Games: Sunrise on the Reaping“ ќе излезе во кината во ноември 2026, а ќе глумат Реиф Фајнс, Маја Хок и Мекена Грејс.
