Филмот „Франкенштајн“ на Гиљермо дел Торо доби 13-минутни стоечки овации на филмскиот фестивал во Венеција, најдолгите досега на фестивалот. Оскар Исак, кој го игра лудиот научник, и Џејкоб Елорди, кој го отелотворува неговото монструозно создание, се расплакаа додека публиката продолжи да аплаудира.
За време на долгите овации, дел Торо ги прегрнуваше Елорди и Исак.
Научно-фантастичниот филм кој се натпреварува за престижниот Златен лав на фестивалот е прераскажување на класичниот хорор роман на Мери Шели од 1818, кој раскажува за брилијантен научник кој оживува монструозно суштество, што на крајот резултира со нивна пропаст. Филмот кој трае од 149 минути и вреди 120 милиони долари би можел да стане главен кандидат за наградите за “Нетфлкис“.
Фото: Гети
