ГРЦИЈА ГО ОСВОИ ПРВИОТ МЕДАЛ ВО СКИЈАЊЕ ВО ИСТОРИЈАТА

Куршевел, (Ројтерс)
COURCHEVEL, FRANCE - FEBRUARY 19: AJ Ginnis of Greece competes in their first run of Men's Slalom at the FIS Alpine World Ski Championships on February 19, 2023 in Courchevel, France. (Photo by Alex Pantling/Getty Images)

Александрос Јоанис Гинис го освои сребрениот медал во слалом на Светското првенство во скијање во Куршевел, станувајќи првиот грчки скијач кој се закитил со медал на големите натпреварувања. Новиот светски првак е Норвежанецот Хенрик Кристоферсен.

Роден во Атина, АЈ Гинис учел да скија на падините во централна Грција, пред да се пресели во САД на 15-годишна возраст. Едно време се натпреварувал под американско знаме, по што одлучил да настапува за Грција.

Дваесет и деветгодишниот Гинис, чиј татко е Грк, а мајка Американка, испиша историја и пред две недели со второто место на слаломот во Шамони, што беше прв подиум за грчкото скијање во Светскиот куп.

(Фото: Гети)