„Аир“ е насловен денешниот концерт на Филхармонијата (20 часот), на кој како солист ќе настапи кинеско-германскиот виолист Дијанг Меи, заедно со мешаниот хор „Про арс“.
На репертоарот ќе бидат „Поручникот Киже“ од Прокофјев и „Стикс за виола, хор и оркестар“ од Канчели. Диригент е Емил Табаков од Бугарија, додека хорот го подготви Сашо Татарчевски.
Роден во Кина во 1994, Меи е првиот виолист на Берлинската филхармонија, а претходно истата позиција ја имаше во Минхенската филхармонија.
