Стивен Спилберг се придружи на малата група уметници кои во кариерата освоиле Еми, Греми, Оскар и Тони (ЕГОТ). Тој ја комплетираше ретката колекција откако ја доби музичката награда Греми за најдобра филмска музика како продуцент на документарецот „Music by John Williams“.
Легендарниот филмаџија претходно се закити со три оскари, четири награди Еми и со еден Тони. Ова му беше прва номинација за Греми.
„Добивањето на Греми ми значи сè. Ова признание го потврдува она што го знам повеќе од 50 години: влијанието на Џон Вилијамс врз културата и музиката е неизмерно, а неговите уметност и наследство се неспоредливи. Горд сум што сум поврзан со овој прекрасен филм“, рече Спилберг.
Меѓу останатите добитници на ЕГОТ се Рита Морено, Одри Хепберн, Мел Брукс, Елтон Џон, Вупи Голдберг, Џон Леџенд, Ендрју Лојд Вебер, Вајола Дејвис, Џенифер Хадсон…
