Трета година по ред, Младински Центар Охрид организира Недела на млади, по повод 12 август, Меѓународниот ден на младите. Програмата почнува на 11 август во Младинскиот центар во Охрид и ќе трае до 15 август.
Организаторите најавуваат пет дена креативност, музика, филм, младински глас и инспирација.
Ќе се одржат ликовни и музички школи, концерти, диџеј сетови, кратки филмови, мастеркласови, утринска јога и дискусии за историјата и иднината.
Посебен акцент е даден на 12 август, Меѓународниот ден на младите, со вечерна програма која слави млади таленти, идеи и искуства од Европа. Сите активности се бесплатни, а целата програма е достапна на овој линк.
