Том Фелтон треба да ја репризира својата улога на злобниот Драко Малфој во мјузиклот за Хари Потер на Бродвеј. Тој е првата ѕвезда од филмовите за Хари Потер кој се приклучи на сценската продукција.
„Надреално е да се вратиш во неговите чевли и секако, неговата платинесто руса коса. Јас сум воодушевен што можам да ја видам неговата приказна и да ја споделам со најголемата заедница на обожаватели во светот“, рече Фелтон.
Тој ќе ја игра улогата во театарот „Лирик“ 19 недели, почнувајќи од 11 ноември. Англискиот актер играше покрај Даниел Редклиф, Руперт Гринт и Ема Вотсон во филмската франшиза од 2001 до 2011 година. Сега има 37 години и ќе стане првиот член на актерската екипа кој ќе се приклучи на мјузиклот, 19 години по крајот на оригиналната приказна.
„Да се биде дел од филмовите за Хари Потер беше една од најголемите почести во мојот живот. Со нетрпение очекувам да бидам дел од заедницата на Бродвеј“, додаде актерот.
Фото: Ворнер брос
