Премиерот Зоран Заев денеска поднесе оставка, отворајќи простор за формирање на техничка влада, со која ќе раководи досегашниот министер за внатрешни работи Оливер Спасовски. Основната задача на техничката влада ќе биде да ги спроведе предвремените парламентарни избори, закажани за 12 април.
- Заев во октомври најави предвремени избори откако Македонија не доби датум за почеток на пристапни преговори со Европската Унија.
- Собранието денеска ја констатираше оставката на Заев, по што претседателот Стево Пендаровски му го додели мандатот за составување на нова влада на техничкиот премиер Оливер Спасовски.
- Техничката влада беше изгласана со 101 глас „за“ и нејзина главна задача ќе биде организирање на фер и демократски парламентарни избори на 12 април.
- Нови имиња во Владата се Наќе Чулев како министер за внатрешни работи и Рашела Мизрахи како министерка за труд и социјална политика, додека Мила Царовска го замени Кочо Анѓушев на функцијата вицепремиер за економски прашања.
- Собранието се распушта на 11 февруари.
