Утре (18 мај) од 11 часот, во Градскиот парк во Скопје ќе се одржи настанот „Со позитивна енергија против врсничкото насилство“. Настанот е во рамките на кампањата „Крени глас против врсничкото насилство“ на „Макпетрол“ и ќе се одржи на зеленилото спроти стадионот.
Диџеј Боно, Сашко Коцев, Биби и Боби, Влатко Лозановски-Лозано, Пајак и Весна Петрушевска со децата од нејзината актерска школа, како и други гости ќе бидат дел од програмата.
На „Крени глас против врсничкото насилство“ досега се приклучија 24 општини. За сите се обезбедени едукативни материјали и работилници со психолог со долгогодишно искуство со проблемот со булингот. Десетици училишта со неколку илјади ученици беа дел од овие образовни средби, а во други се во тек. Физичкото, вербалното, психичкото, социјалното и сајбернасилството се најчестите форми на булинг, а токму со нив децата и младите се запознаваат на овие едукативни средби.
