На 12 и 13 октомври во „Скопје ивент центар“ ќе се одржи Скопје тату шоу.
„Од традиционалните тетоважи до авангардните и модерните стилови, овој настан ќе понуди по нешто за сите љубители на визуелната уметност. Настанот ќе ги обедини некои од најдобрите тату артисти од регионот и пошироко, претворајќи го градот во вистинска уметничка галерија“; велат организаторите.
На фестивалот ќе има и тетовирање во живо, а програмата ќе понуди и работилници, семинари, панел дискусии и демонстрации во живо, кои ќе овозможат интеракција помеѓу публиката и уметниците. Ќе има и музички настапи.
Настанот е од натпреварувачки карактер. Двата дена ќе бидат преполни со натпревари и ќе се доделат награди за најдобрите тетоважи во повеќе категории.
