Анимираниот омнибус „Небиднина“ во режија на Жарко Иванов, Иван Ивановски, Владимир Лукаш и Крсте Господиновски, ја освои главната награда на фестивалот Балканима во Белград, Гран при од жири-комисијата.
Наградите на 21. издание на Фестивалот беа соопштени на затворањето на 5 септември во Домот на културата „Студентски град“ во Белград.
„Небидина“ е составен од четири кратки филмови, инспирирани од поезијата на Ацо Шопов.
Во декември 2023, „Небиднина“ ја освои наградата за најиновативен анимиран филм на Анимаком, во Билбао, Шпанија.
Фото: Жарко Иванов и Крсте Господиновски. (Фото: М. Марковиќ)
