Хрватскиот биографски филм за кошаркарската легенда Дражен Петровиќ насловен „Дражен“, во режија на Данило Шербеџија, почна да игра во скопските кина Синеплекс и Милениум. Филмот го следи животот на кошаркарскиот гениј кој израснал во Шибеник, а потоа ги освоил Европа и САД.
„Низ призмата на неговите најважни животни моменти, филмот ги истражува непопустливата одлучност на Дражен, длабоката поврзаност со неговото семејство и огромната страст за кошарката, спортот што го доведе до бесмртност“, најавуваат дистрибутерите.
Во главната улога е Домагој Нижиќ, а играат и Драган Миќановиќ, Зринка Цвишетиќ, Ромина Тонковиќ и Валентин Перковиќ.
