Општинското основно музичко училиште „Стефан Гајдов“ во Велес набави нови музички инструменти за наставата. Со пари од Општина Велес набавени се четири електрични пијананина, две виолончела и по една флејта и пијано од марката „Веинбах“.
„Наставниците и учениците од основното музичко училиште можат да учат и да се надградуваат на новите музички инструменти. Уште еднаш се потврди приоритетот на општината да се инвестира во квалитетот на образованието“, велат од локалната самоуправа.
ОМУ „Стефан Гајдов“ е најстарото музичко училиште во Македонија, запопчнало со работа ноември 1945, а било верифицирано на 15 јануари 1946. Има 172 ученици од прво до деветто одделение.
П. ПЕЧКОВ
