Кога Гуо Кингшан објавил фотографија од одморот и ја нарекол „Кутре планина“, таа стана сензација во Кина и дури создаде туристичка атракција.
Гуо отишол да пешачи додека бил во посета на својот роден град Јичанг во централна Кина, а кога подоцна ги разгледувал фотографиите што ги снимил, забележал нешто што дотогаш не го видел: планина во облик на кучешка глава се потпираше на земја покрај реката Јангце, со „муцката“ легната до водата.
„Беше магично и слатко. Бев многу возбуден и среќен што го открив ова. Позата на кучето е како да пие вода. Исто така изгледа како тивко да ја чува реката“, изјави Гуо, дизајнер од Шангај.
Неговата објава собра милиони прегледи на кинеската социјална мрежа Веибо, а сопственици на кучиња почнаа да објавуваат фотографии од своите миленици за да споредат на кое куче најмногу личи. Многумина патувале во Јичанг за да ја видат планината во живо.
(Фото: АП)
