Панк/рок легендата Били Ајдол го најави својот прв албум по повеќе од десет години пауза. Насловен „Dream On It“, албумот ќе излезе на 25 април и на него ќе гостуваат Џоан Џет и Аврил Лавињ.
Како најава на својот деветти студиски албум, 69-годишниот Ајдол го објави синглот „Still Dancing“.
„Оваа песна е навраќање на целото мое патување, од панк рок периодот до денес. Сѐ уште гледам кон иднината и го живеам животот што си го поставив“, кажа Ајдол, кој неодамна беше номиниран за влез во Рокенрол куќата на славните.
Во кариерата долга речиси пет децении, Ајдол прво беше фронтмен на панк група „Џенерејшн Екс“, со која објави три албуми, а од 1982 настапува соло. Неговиот последен албум излезе во 2014.
(Фото: Фејсбук)
