„Суперхикс“ сними спот за песната „Првада“ од неговиот актуелен албум „Сила и нервоза“. Песната е соработка со „21 век“ и заеднички ја напишаа двата бенда: текстот е на Борис Минов, а музиката и аранжманот се на „Суперхикс“ и на „21 век“. Снимена е во студиото „Тра ла ла” во Скопје со продуцентот Мите Димовски.
Видеото за „Правда” го режираше Милан Блажевски. Во главната улога на Правдамен се појавува Александар Георгиев, а останатите улоги во спотот ги играат членовите на „Суперхикс“ и на „21 век“.
„Ова музичко видео претставува визуелно и звучно доживување кое ги спојува уметничките визии на двата бенда“, велат авторите на спотот.
